Гасцёўня Рэсурснага Цэнтра Беларускай Рады культуры
Гэта ўтульнае і атмасфернае памяшканне ў гістарычным цэнтры Вільні. Тут вы можаце зладзіць навучальны семінар, творчы ўоркшоп (да 30 удзельнікаў), атрымаць кансультацыю аб праекце ці арганізацыйным развіцці вашай ініцыятывы.
Гасцёўня працуе для:
Кансультавання пра праект ArtPower Belаrus – складанне заяўкі, суправаджэнне праектаў і напісанне справаздачаў
Кансультавання пра стварэнне аб’яднанняў і арганізацыйным развіцці ініцыятываў
Арганізацыі семінараў і навучальных імпрэзаў для дзеячаў культуры
На пляцоўцы можна зладзіць:
- лекцыю ці семінар (памяшканне разлічанае на аўдыторыю да 30 слухачоў);
- творчы ўоркшоп ці кансультацыю (працоўныя месцы абсталяваныя для 8–10 удзельнікаў);
- працоўную сустрэчу наконт стварэння прафесійнага аб’яднання або стратэгічную сесію вашай ініцыятывы.
Карыстанне памяшканнем бясплатнае, але неабходна папярэдне зарэгістравацца праз resource@byculture.org.
Каб атрымаць больш падрабязную інфармацыю, пішыце на e‑mail: resource@byculture.org.
