Навучальная праграма складаецца з курсаў на наступныя тэмы:

“Уводзіны ў арт-менеджмент”,

“Уводзіны ў кіраванне праектамі”,

“Камунікацыі і маркетынг у сектары культуры”,

“Фінансавы менеджмент. Фандрэйзінг і кіраванне рэсурсамі”,

“Капіталізацыя культуры і мастацтва”, 

“Рэгіянальная палітыка, якая ўплывае на культурніцкі менеджмент”.

Пачатак заняткаў: 1 красавіка 2024 года. Працягласць навучання: 10 тыдняў. 

Патрабаванні да кандыдатаў(-к) на ўдзел:

• зацікаўленасць у развіцці беларускай культуры,
• досвед працы ў якасці творцаў, арт-менеджараў, куратараў ды іншых спецыялістаў у галіне культуры і мастацтва,
• высокая матывацыя для прафесійнага самаўдасканальвання ў кірунку арт-менеджменту,
• гатовасць браць удзел у штотыднёвых онлайн-лекцыях і групавых занятках (1 красавіка – 14 чэрвеня), актыўна ўключыцца ў працэс навучання і  выконваць заданні выкладчыкаў.

Удзельнікі(-цы), якія завершаць праграму, атрымаюць сертыфікат аб навучанні і запрашэнне ўзяць удзел у заключным модулі “Распрацоўванне праектаў і напісанне праектных заявак” у жніўні – верасні 2024 года.

Навучанне бясплатнае і будзе адбывацца ў онлайн-фармаце.

Каб падаць заяўку, неабходна запоўніць усе палі формы да 20 сакавіка 2024 года. 

Увага! Колькасць месцаў абмежаваная. Паспяховыя кандыдаты будуць апавешчаныя да 26 сакавіка 2024 года.

Калі вам патрэбная дадатковая інфармацыя ці ў вас ёсць пытанні аб праграме, калі ласка, звяжыцеся з намі па адрасе: education@byculture.org